Search
Photo by RNZ

Sailia tagata na iai fesootaiga ma le case faamaonia i le misela

O loo tau sailia nei e le soifua maloloina tagata na ono fesootai ma lē ua faamaonia ua maua i le misela.

O le case faamaonia i le misela o le tagata faatoa taunuu mai atunuu mamao ma e faapea o lea sa i le emergency department i le falemai i Aukilani i Grafton i le po o le Aso Sa faatoa uma atu.

O lea ua uma ona fesootai i tagata sa i totonu o le falemai i le taimi na asia ai e le case faamaonia.

E ese mai le falemai sa asia foi e lē ua maua i le misela le Bake and Beans bakery i Takanini  i le Aso Lua o le vaiaso talu ai i le va o le 5.15 ma le 6.45 i le afiafi.

Soo se tasi ua faalogoina auga amata o le misela e iai le fiva, tale, tafe le isu, tagi mata ma mageso le tino, o loo fautuaina e vave faafesootai le Healthline ma nofo i le fale, ma e lē tatau ona alu i le falemai pe vaai foi le fomai e aunoa ma le valaau muamua i le telefoni.

O le case faamaonia i le misela o le lona fa ai lea o tagata ua maua i le faama’i i Aukilani, ma e fesootai uma i pasese e faimalaga mai fafo.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required