E puupuu le taimi o loo tuu mai e faasauni ai le siitaga o le tau o loo totogi e pasese o loo omai i meli, ma afai foi ae aloa’ia e ono lē toe omai ai ma meli i Niu Sila.
O lea ua iai fuafuaga a le vaega o tiute faapea le matagaluega a le Primary Industries e sii levy nei e totogi i tuaoi e tagata malaga mai i meli, ma o le asō lea o loo ta’u o le aso muamua o Tesema o le tausaga nei.
O se fuafuaga na amata tatala mai ai mo faatalanoaga i le ogatotonu o Iulai ma tapunia i le aso iva o le masina lenei.
I lalo o lea fuafuaga, o border levy rates mo pasese malaga mai i vaalele poo vaa feoa’i i le sami e lē o ni meli, e faatumau pea seia vaganā ai pasese e omai i meli o le a sii i le 88%, o lona uiga mai le $11.48 i le $21.54.
E 279,000 pasese o loo faamoemoe e taunuu mai i le faai’uga o lenei tausaga omai i meli, ma o le $7.82 siitaga i le tagata e toatasi o le a sau ai le $2.2 miliona.
Finau a le asosi a le New Zealand Cruise Association, ua puupuu tele le taimi ua logo mai ai auā o malaga nei a meli e tele ina totogi pasese o tagata pe ā ma le 12 masina ae e lei alu le malaga, ma o lona uiga o kamupani e ana meli lea o le a amoina lea avega pe afai nei ae aloa’ia i le tausaga nei.
O se siitaga o loo matua’i faate’ia ai foi ma le asosi a o lea e taumafai e faatosina mai turisi mai atunuu mamao e omai i Niu Sila.
Puna o Faamatalaga: https://www.1news.co.nz/2024/08/17/sudden-fee-rise-will-turn-cruise-ships-off-nz-sector-says/
