Ua ave e leoleo i Aukilani tamaiti e toalima i lalo o le latou vaavaaiga i le mae’a o se faalavelave na feto’ai ai ni taavale gaoia se lua i Papakura i le po anapo.

Fai mai leoleo na valaau ane latou i le magaala o Batallion Drive poo le tea o le ‘afa o le 11 ina ua vaaia e se tasi o le atunuu taavale ia e lua ua feto’ai, sa faia se suesuega ma taumafai leoleo e taofi atu le isi taavale peitai e lei tu ane peitai sa mulimuli ai le vaalele a leoleo ma taofia ai mulimuli ane e leoleo i Takanini.

Na taumafai le toalima lea e sosola peitai na toe maua uma lava e leoleo.

Fai mai o le matutua e 11, ma le 13 tausaga ma o le a tuu atu i le Youth Aid.

O loo faaauau suesuega i le aso.