Ua pu’e e leoleo se alii ona o se faalavelave i se fale i Western Sydney i le taeao analeila.

Na valaau ane le fesoasoani faavavave i le fale lea i Wentworthville poo le ‘afa o le 6 i le taeao ma maua atu ai se tamā e 64 tausaga ua osofa’ia e se tagata ma iai manu’aga i lona ua.

Na taumafai paramedics e lavea’i peitai na maliu ai lava i le fale.

Fai mai sa iai foi ma se tina pe 60 tausaga le matua na iai i le fale ae le’i faamanu’alia.

O lē ua pu’e e leoleo e 34 tausaga le matua na pu’e i se taimi mulimuli ane ma ave ai i le ofisa o leoleo i Granville.

Fai mai le faamatalaga e masani uma i latou e to’atolu o loo ta’ua i lea lipoti.

Ua amata le su’esu’ega a leoleo ma saunia foi se lipoti e tuu atu i le coroner.

Puna o Faamatalaga: https://www.9news.com.au/national/man-arrested-over-deadly-stabbing-in-western-sydney/1b13637f-f0f2-4cfb-a5a5-373dad721bc2