Search
Photo by M.E.S.C.

Polokalame mo le siakiina o le faalogo a fanau aoga i le tausaga muamua i aoga tulagalua

O loo faagasolo nei le polokalame mo le siakiina o le faalogo a fanau ei le tausaga muamua i Aoga Tulagalua i le atunuu e pei ona amatalia mai ai i le vaiaso ua tuanai.

O lenei polokalame o loo taimua ai le Matagaluega o Aoga ma o se tiute tauave faatasi ma le Matagaluega o le Soifua Maloloina, auaunaga o le faalogo a le SENESE, o le asosi o i latou e po le vaaia nisi o sosaiete.

I faamatalaga faalauaitele mai le Matagaluega ua mae’a vaevaeina ai kulupu taitasi e ulufale atu i Aoga Tulagalua i le atu Aleipata, Lepa ma Lotofaga, Falealili ma Lefaga e pei ona iai le asō.

O le aogā o lenei polokalame e pei ona faailoa i pepa o faamatalaga a le Matagaluega o le silafia lea o le tulaga o loo iai le faalogo a le tamaititi ina ia mautinoa o loo lelei lana faalogo i taimi o le vasega.

Ae o se faafitauli tele pe a faapea o loo iai se vaega o aafia i le faalogo ma e ono iai aafiaga o le ola aoaoina o le tamaititi ma avea ma auala e lē iu manuia ai lana aoga.

O le ala lena o le naunau o le polokalame lenei ina ia mautinoa o loo soifua maloloina le faalogo a le fanau, ae a faapea foi o iai ni faafitauli o loo mafai ona ave ai le faamuamua e togafitia loa.

O lenei polokalame o le a faagasolo pea mo le lua vaiaso ina ia aofia uma Upolu ma le motu tele i Salafai i lenei siaki.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required