Fai mai lipoti ile aso ile RNZ Pacific o le upega tafailagi a le ofisa o le vaaitau I Samoa e foliga ua aafia ise cyber attack poo osofaiga I luga o upega tafailagi faaaoga ai faiga faatekonolosi. Taua e le RNZ se lipoti mai le Radio Polynesia I Samoa o taua ai e se sui o le vaaitau ole latou upega tafailagi na amata le ola mai I le aso 17 o Tesema ma o loo faatalia se tali atu a le minisita o le Matagaluega, Toeolesulusulu Cedric Shuster ia latou faafesili e tusa o lea tulaga.
O loo taua foi ile lipoti o loo galulue nei le vaega o le IT a le matagaluega ile lipeaina o le upega tafailagi mae masalomia ua osofaia ise tulaga faapea, hacked.
O isi faamatalaga mai le lipoti lava lea o loo taua ai e le TV1 i Samoa o faamatalaga mai le aufaigaluega a le vaaitau o loo taua ai o loo galulue ile faaletonu lea ma ni tagata IT mai Iapani.
Pei ona silafia o le taimi tonu lenei o afa ma uiga louloua o le tau I samoa ma ose taimi e matuai manaomia ai foi lea auaunaga. O le taimi nei o loo faaaoga le facebook page a le matagaluega e faailoa ai lipoti lata mai o le tala o le tau lea e faailoa mai ai e matele ina timu samoa I lenei vaiaso atoa.
