O le taeao nei e iloa ai le tonu pe ua tatau nei loa ona faaa’upegaina leoleo Ueligitone.
Talu mai lava ona maua le alii o Albert Enoka, 39 tausaga i Naenae i Lower Hutt i le vaiaso nei ma ona manu’aga e mafua mai i pulufana, o lea lava na sau ai ma le poloa’iga lē tumau ua mafai ona faaa’upegaina leoleo Ueligitone.
O Enoka e tusa ma lipoti a le leitio faavaomalo a Niu Sila, o ia o se tasi e faapea e lavea i le kegi a le Tribesmen, ma e oo mai i le taeao nei o loo sa’ilia pea le tagata na ia fanaina Enoka lea ua i’u ai lava ina maliu.
O loo iai talitonuga o leoleo, o lē na faia e iai foi ona sootaga i kegi ma e masani lelei foi ma Enoka.
O molimau ua toe maua nei e leoleo, a o le’i fanaina Enoka o lea na muamua tau upu.
Puna o Faamatalaga: All Wellington police armed during hunt for Naenae shooter | RNZ News
