E silia ma le 150 false killer whales poo ni tafolā ua pa’ulia i luga o se matāfaga i Tasmania.
Fai mai lipoti a le matagaluega o le siosiomaga a Tasmania e moni ia faamatalaga ma o tafolā ia ua pa’ulia e lata i le Arthur River.
Fai mai o isi tafolā o loo ola pea ma o loo galulue ai nei le aufaigaluega e faatino su’esu’ega ma fuafua se gaioiga o le a faia iai auā e fai foi si faigatā o le faatinoina o galuega e oo atu ai i lea matāfaga.
Fai mai sui mai le siosiomaga afai ae faamautūina o loo iai se mana’oga mo se fesoasoani a tagata lautele o le a faapea lava ona faailoa iai.
O loo faagasolo su’esu’ega pe ua afua i se ā le tulaga ua tula’i mai.
Puna o Faamatalaga: https://www.9news.com.au/national/more-than-150-whales-stranded-on-tasmanian-beach/a087fcac-77b0-43b5-9c72-40450e4320fe
