Ua pasia nei tulafono e toe faatinoina ai le 90 aso e faataitai ai le tagata faigaluega i lana galuega ma o se tasi lenei o mataupu sa finauina e le National ma le Act ia latou campaigns ma aofia foi i le latou lisi o fuafuaga faatino i le uluai 100 aso o le nofoaiga.
O le asō lea ua pasia ai le suiga lea i le Employment Relations Amendment Bill ma ua faailoa foi i lipoti a le televise tasi pe ā ma le 72 pasene o tagata faigaluega uma i Niu Sila o loo faafaigaluega i pisinisi e aofia ai se aufaigaluega e silia ma le toa 20.
I lalo o le faigamalo sa iai muamua a le Labour ma le NZ First lea sa soofaatasi sa faia ai le suiga lea i le tulafono lenei sa faaaofia ai nai pisinisi e 19 pe itiiti ane o na tagata faigaluega.
Ua faailo i le lipoti se faamatalaga mai le minisita o fale faigaluega ma sootaga, Brook Van Velden ua o latou faalogo i le kilia o le valaau mai pisinisi ua o latou mananao loa e toe faaauau le 90 day trial mo tagata faigaluega uma.
