O osofaiga a leoleo i Sini ua maua ai le toatele o tagata o loo aofia i ni gaioiga faasolitulafono aemaise lava i se kulupu.
Molia e leoleo tagata e 16, faatino suesuega e 18 ma maua iai auupega e pei o fana i osofaiga ia i le itu i Saute i Sisifo o Niu Sa Uelese.
O le amataga o le masina nei na tapunia ai nisi o laina telefoni e feta’ua’ina e iai sootaga i le silia ma le 50 afe customers.
Ua feta’ua’ina foi e leoleo o latou o loo i tua o nei gaioiga uma na tapueina i le vaiaso nei ia latou osofaiga lea na faafaigaluega ai leoleo e toa 250.
O le sui komesina o David Hudson na ia saunoa i le taeao analeila o tulaga sa faatino i le taeao ua tafiesea ai loa ma ni vaega na totoe i Sini o lea kulupu ma o latou sootaga i Ausetalia.
I le masina o Me 2022 na amata tulimataia mai ai e leoleo i latou ia e pei ona faailoa i le lipoti, sa pueina ai nisi e toa 41 ma toe faamalosia ai le sosola ese atu o le isi vaega o le kulupu lava lea i atunuu i fafo.
