E tatau i kamupani vaalele ona tuu ane lipoti i totonu o le taimi faatulagaina e manaomia ai i masina taitasi ma o le a mataituina foi ma le totoa totogi o pasese i lalo o nisi o suiga ua folafola e le Minisita o Felauaiga o Simeon Brown.
Ua ia faatonuina le faia o se iloiloga e faatatau i nisi o totogi o auaunaga a le Civil Aviation Authority. Tā’ua i tusitusiga i le vaiaso nei a le au faasalalau sa fesiligia le pulega le a le Civil Aviation i le faatinoina o le auaunaga aemaise o le faamautu ane o nisi o totogi o a latou auaunaga faatino .
O lipoti e pei ona lotea i le mataupu lea e faatatau i le taimi e taunuu ma le agai ese o vaalele faapea faigamalaga e faaleaogaina ina ia nofo silafia le atunuu i lea foi auaunaga ma ona nafa. Fai mai le Minisita faaopoopo atu i ia vaega ua faalauiloa e manaomia ona faatino e le Pulega le ono faalauiloaina foi faalauaitele o le tulaga i pasese totogi mo faigamalaga ma faamalosia ai le faatinoina o le amiotonu i le faiga o galuega.
Fai mai talu mai le 2020 sa tuuina lava e le Malo le toeititi $500 miliona o tupe mo le CAA e faamautu ai tulaga lelei o le faatinoina o le auaunaga talu ona faafuasei ona lusi tupe maua i le taimi o le koviti-19.
Puna o Faamatalaga: https://www.nzherald.co.nz/business/government-turns-up-heat-on-airlines-orders-civil-aviation-authority-fee-hike-review/5CRKENFI3FDJFPJIT4ZB46ACWI/
