Search
Search
Photo Credit: 7News

Ono iai se lamatiaga mo le miliona o le au faatau a le Temu i Ausetalia nei

Ua faailoa e i latou e atamamai i tulaga tau puipuiga o faamatalaga i luga o upega tafailagi, cyber security o le au faatau a le Temu i Ausetalia nei e ono iai se tulaga lamatia a latou faamatalaga.

O le Temu na amata faalauiloa mai i le 12 masina talu ai ma ua avea o se auaunaga taatele mo faatauga ona o le taugofie o le tele o ana oloa.

O le kamupani e umia e le PDD Holdings na amata i Shanghai ma ua faasee atu lona ofisa autu i Aialani.

Fai mai o le masina talu ai e 41 miliona tagata na o latou download le app a le Temu ae o Ausetalia lava ia e 1.2 miliona tagata e faatau i le auaunaga i masina taitasi.

Ua mae’a ona faailoa e le Temu i le 7news.com.au e latou te lē o faatauina faamaumauga o tagata faatau ma o loo ogatasi foi le faatinoina o a latou galuega ma tulaga manaomia o auaunaga faapea.

O le Temu e silia ma le 80 afe ana suppliers o oloa ma o le brand aupito i vave lona tuputupu a’e i totonu o Ausetalia.

Puna o Faamatalaga: https://7news.com.au/sunrise/major-warning-for-millions-of-australian-temu-shoppers–c-14234897

Tala sili ona faitaulia

FAATALATALANOAGA

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

POLOKALAME A LEOLEO

Keep uptodate with Radio Samoa activity & promotion

* indicates required