Search
samoa courthouse

O loo loma nei le faamasinoga faasaga i lē sa avea ma Palemia ma nisi o sui sinia o le Mālō

O le Aso Gafua o le vaiaso o muamua nei ua faatulaga e valaau ai le faamasinoga sili i Samoa moliaga o le lē ava ma le lē migao i le faamasinoga ua tuuaia ai lē sa avea ma Palemia faapea lē sa avea ma Loia Sili o le Mālō, o lē sa avea ma Fofoga Fetalai o le Palemene aemaise o le Failautusi o le Fono Aoao Faitulafono.

O le valaauga lea o lenei mataupu o le a seei mai ai ni faamasino toalua mai Niu Sila.

E pei ona silafia e toalima faamasino mai lea atunuu ua filifilia e galulue i le faamasinoga sili a Samoa mo le 2 tausaga i se tulaga lē tumau e fesootai lagolago atu i le faamasinoga ma o lea filifiliga na faia e le Komisi o galuega a le faamasinoga ma na talia e le Kapeneta.

E iai le talitonuga o le a toe faaulu e loia o le vaega faaupufai o le Faatuatua i le Atua Samoa ua Tasi nisi moliaga faaaopopo o le lē ava ma le lē migao i le faamasinoga e faasaga lava i lē sa avea ma Palemia o le Mālō le susuga Tuilaepa Lupesoliai Sailele Malielegaoi e faapea foi ona faaulu o lea moliaga i nisi o sui o le vaega faaupufai a le HRPP.

O ia moliaga e fesootai i ni saunoaga i auala o faasalalauga faaonaponei aemaise lava o auala masani o faasalalauga e pei o televise ma leitio ua solipala ai le mamalu o le faamasinoga aemaise o faamasino ma ta’u faatauvaaina ai foi le faamasinoga a Samoa.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required