Search

O le tele o tagata ua aafia i le Koviti i le taimi nei i Niu Sila o tagata Samoa

O le aoauli nei na faamanino mai ai e le Soifua Maloloina a Niu Sila ua oo atu i le to’a 148 i latou ua aafia i le Koviti ina ua faamaonia nisi tagata e to’a 41 i le asō (community cases).

I le aofai atoa e to’a 148 ua aafia nei, e to’a 58 o tagata Samoa ma o loo iai sootaga ma se sauniga tele na fai i le Ekalesia AOG i Magele i le Aso 15 Aukuso

O le vaega tele lona lua o le nofoaga na faaigoaina e Dr. Bloomfield o le Birkdale Social Group i Northshore, ma e to’a 23 tagata i lea vaeaga ua aafia i le faamai.

Ua fautuaina foi e faifeau o Ekalesia Katoliko e lua i Magele, St Therese ma St Anthony Church aulotu nei e lua ina ia fai siaki ona o se tasi ua aafia i le Koviti na auai i sauniga lotu i le Aso 15 o Aukuso i nei falesa.

O le taimi nei e 100 nisi nofoaga ua faaopopo atu i le lisi o nofoaga na afea e i latou ua aafia e le faama’i ma ua oo atu ai i le silia ma le 400 nofoaga. Na ave foi le faamalo a Dr Bloomfield i tagatanuu Samoa ma le Pasefika mo le vave agai atu e fai tui ma siaki pe ua aafia i le Koviti o le ituaiga o le Delta Variant.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required