Samoa Parliament building

O le a tauaofia le Palemene lona 17 i le Aso 14 o Setema

O lea ua faamautu mai nei e le taitai o le malo le afioga le tamaitai Palemia Fiame Naomi Mataafa o le Aso 14 o Setema e tauaofia ai le Palemene lona 17 o Samoa e soalaupule ai le tala autu muamua o le tupe a le faigamalo fou a le vaega faaupufai o le Faatuatua i le Atua Samoa ua Tasi.

Ua faamautu le aso e usuia ai le tauaofiaga o le Fono Aoao Faitulafono ina ua maea ona soalaupule ma faatalanoa e le Palemia faapea Minisita o lana Kapeneta e aofia ai ma faauluuluga o auaunaga eseese a le Mālō le ata poo le auivi o le tala faatatau autu o le tupe muamua a le faigamalo fou lea ua maea ona faataoto e le tamaitai Minisita o Tupe Mulipola Anarosa Ale Molioo ma le Matagaluega o Tupe.

O lea tala faatatau autu o le tupe ua faaalia e Fiame o loo agai i le vaega e maua ai e tagata lautele faamanauiaga faapea Atinae tau pisinisi.

Taua e Fiame “A tuu i tulaga o aotelega o le agaga a ia ina Ia taumafai i tupe nei e faapea e faaagaga mo tagata ina ia faamautinoa  1. ia iai se tupe faapena, 2.

E oo iai i le tagata (welfare & well-being) ma i le agaga lea e ave i se tulaga lautele o se investment poo se tului ina ia mafai ona faatupu ai i le agaga foi lea e gaosi a le tagata Samoa ia lona tamaoaiga”.

Na taua foi e Fiame le tulaga o le 51 miliona tala o se tasi o latou galuega na folafola a’o lei tulai mai e avea ma faigamalo “O lea foi e tele tala i le 51 miliona, o lea la oute vaai atu o lea pei e tau amata mai e iai se tupe tau amata e amata ona faatulaga ai pe faafefea ona faatino lea faamoemoe aua e leai se mea faapea na’o le o atu a tufa atu le ta’i miliona tala ae tatau ona faatulaga lelei poo a ala o mea e fai ai lena mea”.

O le feiloaiga a le tamaitai Palemia ma Tusitala i le ogatotonu o lenei vaiaso na faaalia ai sona finagalo tali i se fesili i le tulaga o le a taoto ai le tauaofiaga a le Palemene i le Aso 14 o le masina nei lea na ia faailoa ai ua na’o faipule e 26 ua maea ona faatauto o le a auai.

Ae o sui filifilia o le vaega a le HRPP e le’i faatautoina lea o loo tūtū mau pea le taitai o lea vaega i sana tusi ua ave i le Fofoga Fetalai e finagalo e faatautō i latou e le Ao o le Mālō.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required