Ua folafola e le Malo e lē o toe mamao ona faailoa lea o se tulafono e faataga ai Pulega faalotoifale poo Councils e fai ni totogi mo avetaavale mo le faaaogāina o le alatele i taimi ma nofoaga o le a filifilia e fua lava i le pisi o le auala.

Fai mai o le pili e faatatau i le mataupu lea o le a folasia i le tausaga nei e pei ona folasia e le Minisita o Fela’ua’iga, Simeon Brown.

Fai mai le NZTA ma le Matagaluega o Fela’ua’iga o le faiga lea e faaigoa i le faaperetania, Time of Use Schemes e mafai ai ona tuuina ni tau e totogi e i latou e faaaogāina le alatele i nisi o taimi poo ni nofoaga foi ma e fua lava i le pisi o le auala, fai mai le minisita o le faiga lea o le a faaitiitia ai taavale femalagaa’i ma una’ia ai le faatupula’ia o le tamaoaiga.

O lona uiga la o lea tulafono ua fuafuaina o le a mafai ai e Councils ona faatulaga schemes faapenei ma o le tupe e maua mai ai o le a toe inivesi i auaunaga tau femalagaa’iga ma vaega e faaaogāina ai ina ia penefiti ai tagata Niu Sila ma pisinisi o loo iai i faaitu na maua ane ai ia tupe.

O le a lē mafai ona faaaogāina e Councils ia tupe i nisi poloketi ma ua ta’ua o le a eseese lava totogi e tuuina i taavale e fua i le tele o le taavale.

Puna o Faamatalaga: https://www.1news.co.nz/2024/08/12/govt-to-introduce-congestion-charge-bill/