O le a tumau pea le Polyfest i Otara mo le faailogaina o lona 50 tausaga talu ona faatautaia, ina ua ofoina e le Local Board poo le pulega faalotoifale le $64,500 e fesoasoani ai i lona faatupeina.
Fai mai le RNZ Pacific o le faaaliga lea i tausaga ta’itasi a aoga i Niu Sila na amata i le tausaga 1976 e faamanatu ai tu ma aganuu a le Pasefika ma ua avea o se tasi o faaaliga aupito tele a tagata Pasefika i le lalolagi.
O le sui mai le Otara Papatoetoe Local Board, Apulu Reece Autagavaia ua lipotia i le RNZ sana faamatalaga e faapea e maoa’e le lagolago a tagata i le fonotaga na faia ina ia faaauau le faaaliga lenei ma o le tupe ua tuuina o se tupe tele, ae e mana’omia e faatumau ai pea ona faatino le Polyfest i Otara, a leai o le a faasee atu i Takanini.
Puna o Faamatalaga: https://www.rnz.co.nz/international/pacific-news/534429/local-board-gives-64k-to-keep-polyfest-in-otara
