Chris Hipkins, Photo - Newshub

Moomia le faatoese o Hipkins i tina ma’itaga e le’i amana’iaina  

Ua tauanau lē sa avea ma minisita o le Koviti e tatau ona ia faatoese i tina ma’itaga uma na aafia lagona ona o le auala na faatautaia ai nofoaga faanofoesea. 

O le aso ananafi na faatoese faalauaitele ai Chris Hipkins ia Charlotte Bellis ona o le auala na liki ai faamatalaga e faatatau i lana talosaga sa faaulu mai mo se avanoa i nofoaga faanofoesea. O se faatoesega ua tolu masina faatoa faia ai faalauaitele. 

I lipoti e foliga mai e lē na o Bellis le tina ma’itaga na ui i ia faigata, e iai fo isi tina ma’itaga na ui mai ai lava foi i le auala lava lea e tasi ma o ia lea o Roshni Sami sa i Amerika ma talosaga mai e fia foi mai i Niu Sila e ola ai. 

O le moomia tele o le fesoasoani e Sami na faaulu ai loa lana tagi i le faamasinoga mo se fesoasoani, ma o le mataupu lenei na totogi ai e le malo le latalata i le $43,000 ina ua oo i le tulafono ma e le’i taunuu le valaauga ina ua talia le talosaga i nai aso o totoe valaau le mataupu. 

Tala a le leitio a Niu Sila o Sami o le tasi lea o le 229 tagata na talosaga mo avanoa i nofoaga faanofoesea moomia i se taimi vave i le va o Oketopa 2020 ma Oketopa 2021 i mafuaaga o le ma’itaga. 

I ia talosaga e oo mai ia Oketopa o le 2021 e na o le 23 o nei talosaga na talia. Mai ia Sami e moomia le faatoese ona o le auala na iloilo ai talosaga a tina ma’itaga. 

Scroll to Top

Keep uptodate with Radio Samoa activity & promotion

* indicates required