E to’atolu ni tama talavou ua molia e leoleo ina ua gaoia ni taavale ma ni fana mai se fale i Tamworth i le itu i Matu o Niu Sa Uelese i le faai’uga o le vaiaso.
Fai mai le 9News poo le ‘afa o le 4 i le vaveao o le Aso Toonai na logoina ai leoleo mo se fesoasoani i se fale i lea faaitu ona o lipoti o nisi ua osofa’ia le fale.
Na faailoa ane i leoleo e lua ni taavale ua gaoia atoa ma fana e 7.
Poo le te’a laitiiti o le 12 i le aoauli na su’e ai e leoleo se fale i Tamworth lava ma na maua iai fana ia e 7, lavalava ma se naifi ua ave nei mo su’esu’ega.
O i latou na pu’eina o tamaiti e 13, 14 ma le 15 tausaga le matutua.
O le isi to’alua laiti ua molia i le osofa’ia o se fale ma isi moliaga e faatatau i fana ae o le 14 ma le 15 tausaga le matutua ua molia i le solia o aiaiga o le tatala mai i tua.
E lei mafai ona tatalaina i tua ma sa tutula’i i le faamasinoga i le aso ananafi.
Puna o Faamatalaga: https://www.9news.com.au/national/teens-charged-after-vehicles-guns-stolen-tamworth-nsw/bdc82e8a-33c2-48eb-9c15-f50e5da9a7ef
