Search

Molia nisi mai osofaiga a leoleo i fualaau faasāina

E tolu ni suesuega na faia e leoleo ma maua ai nisi ua taofia nei ma molia o loo masalomia ai le fualaau faasāina o le aisa ma le mariuana.

Ua faamaonia mai e le Komesina o le Matagaluega o Leoleo e tolu a latou osofaiga na faatino i le vaiaso ua tuanai, i nofoaga e iai le maketi i Fugalei, o se fale mautotogi i Tulaele ma se fale i Alafua.

Na faailoa mai o ni lipoti mai le mamalu o le atunuu i le maketi i Fugalei lea o loo vaaia ai le faatauina o fualaau faasāina ma agai loa iai le suesuega a leoleo.

O se mataupu tau sauaga i aiga na agai iai leoleo i se fale mautotogi i Tulaele, ma maua ai ni pauta o loo masalomia o le fualaau faasāina o le aisa ma ni paipa e ula ai le aisa ma le mariuana, ua mafua ai nei ona taofia le alii 31 tausaga mai afioaga o Fasitoouta ma Faleasiu. 

Na faatino foi se suesuega faapitoa i se fale i Alafua na maua ai foi mariuana, paipa e faaaogā e ula ai le aisa atoa ai ma le fualaau faasāina o le asia e tusa lona mamafa ma le 4 kalama, o tupe ma ni ututau.

Ua molia ai nei se alii 33 tausaga o Sinamoga ma Vaimoso ma se alii 38 tausaga o Siuniu ma Alafua ma ua fuafua e tutulai i le faamasinoga i le aso 11 Mati.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required