Ua lapata’ia e Netanyahu le atunuu o Lepanona o le a o latou vaaia se vaaiga e pei ona iai Gaza i le taimi nei.
E lē gata i lea ua lapata’ia foi e le vaega o le puipuiga a Isaraelu o le a osofa’ia Iran.
O se lipoti lata mai mai Gaza ua faailoa ai e to’atele ua maliliu ai mai se osofa’iga a Isaraelu i le itu i Matu o le aai sa aumau ai tagata Palesitina.
Ua faia se faamatalaga a le minisita o le puipuiga a Isaraelu, Yoav Gallant o le latou tali atu ia Iran o le a ogaoga, ma aga’i tonu lava i vaega ua taula’i iai ma o le a faate’ia ai foi, ma poo ai lava e osofa’ia i latou o le a faaoo iai manu’aga ma totogi foi le tau o sea osofa’iga.
O le aso 1 o le masina nei na fana ane ai e Iran ni a’upega o missiles aga’i ia Isaraelu ma sa faatalanoa lava e Isaraelu lana tali atu i lea osofa’iga pei ona ta’ua i le lipoti.
O loo mamafa fetauiga i le taimi nei i le itu i Matu o Gaza lea ua faia ai osofa’iga i le aai o Jabaliya ma ua lipotia le faaleagaina uma o le tele o vaega o lea faaitu.
Ua mae’a ona saunoa le Palemia o Isaraelu, Bemjamin Netanyahu o le a tau lava Isaraelu seia oo ina manumalo a’ia’i i le Hamas ma toe faafoi ane ona tagata sa avea faapagota.
Lea la ua lapata’ia Lepanona o le tulaga foi lea e oo iai i latou pei o Gaza pe afai e lē tetee atu ona tagata i faiga a le Hezbollah.
Puna o Faamatalaga: https://www.9news.com.au/world/middle-east-update-israeli-defence-minister-yoav-gallant-warns-attack-on-iran-would-be-lethal-and-surprising/dfd76014-da1a-4e8b-9ba6-8aa68b100e4f
