Search
Photo Credit: Vodafone Samoa

Maualuga le faaeaea a Haylani i le faalauiloa atu o Samoa i le lalolagi

O le ausia mo le taimi muamua e se tamaitai tauva mai Samoa i tausinioga tetele faavaomalo e saili ai tamaitai silisili ona agavaa ma talenia e avea, ma Tausala o le lalolagi poo le kelope, ua faailoa ai i tusitusiga ma manatu faaalia i faasalalauga eseese i le mae’a o le Miss Global lea na tauva ai le tamaitai sa avea ma Tausala o Samoa o Haylani Pearl Kuruppu, e maualuga tele le faaeaea a lea alo tamaitai o le atunuu i le faalauiloa o Samoa i tuluiga eseese o le kelope.

O se faalauiloa e taugata, ae ua sili ona tāua mo le siitia o le tulaga o le tatou atunuu i le lalolagi o tagata tafafao poo turisi.

Ua faailoa e le Pule Sili o le kamupani o le Vodafdone Samoa o le lagolago autu o le auai atu o le sui tauva mai Samoa, e lei faatagā faia le tapenaga, auā na saili i le atunuu o Filipaina se tele ai tagata e agavaa i tomai tau laei e maua ai se aoaoga e tuuina atu mo Haylani a o lumanai le tauvaga.

Ua momoli ai le faafetai a le pulega o le kamupani i le Malo o Samoa i le lagolago aemaise o le afioga i le Sui Palemia i lona faapaleina o Haylani e avea ma sui tauva aloaia o Samoa mo le Miss Global, lea na ia ausia le tulaga lua poo le first runner up i le mae’a o lea tausinioga i le faaiuga o lena vaiaso ua mavae atu.

Ae mo le isi tauvaga tele o loo loma nei i le faaiuga o lenei vaiaso e amatalia ai, le sailiga o se Tausala o le Pasefika, ua faailoa i faasalalauga i auala o fesootaiga faaona po nei, le sauni atu o le Tausala o Samoa le tamaitai o Moemoana Safaato’a Schwenke e tauave le fu’a a Samoa i le tasi lea o tauvaga faavaomalo e tausinio ai tausala eseese o le Pasefika, ma o se isi o faalauiloa lelei mo lo tatou atunuu.

O le aso 28 o Ianuari e amata ai polokalame o lea tauvaga ae taualuga i le sailia o se Tausala o le Pasefika i le aso 4 o Fepuari.

O le tausala o le atunuu o Papua Niu Kini o loo umia le pale o le Tausala o le Pasefika i le taimi nei, lea sa manumalo i le tauvaga lenei sa talimalo ai Samoa i le tausaga na tea nei.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required