Ona ua masani tele le malo e faaalu tupe, o le faapogai lea o le faatetele o le inflation

O le taugata o le soifuaga ma le sau I lalo o le malosiaga o le tupe a le atunuu, e talitonu le taitai o le itu agai a le National, Christopher Luxon ua mafua lea I le le lelei o le faasoa a le malo

O le aso lea e fofola mai faamaumauga o le inflation o le uluai kuata o lenei tausaga, ma ao talia ua iai ripoti e latalata I le 7% ma afai ae sa’o, o se maualuga tele lea ua faamauina mo Niu Sila talu mai Iuni o le 1990

Fai mai Luxon, o lea e tuuaia e le malo mafuaaga eseese faavaomalo peitai e tutusa uma luitai na ui mai ai atunuu eseese ao lea e na o le 3.5% Ausetalia, 1% Iapani ma Singapore e na o le 2%

Ia Niu Sila mai le 6% I le 7%, ua moomia e le malo le toe iloilo o lana tupe faaalu, e ala lea I le toe faatulaga o auaunaga ma iloa ai poo a poloketi e le o ola ma ia iloa ai tupe o loo maumau

O ananafi lea na fofoga ai I ripoti saunoaga a le sui palemia Grant Robertson o le a toe faia tulafono fou a le malo mo ana tupe alu