Ua faasa e leoleo le nofoaga na maua iai se tino maliu ile taeao analeila I Pt Chevalier I Aukilani.

O se tasi o le atunuu na mauaina ao agai atu I sana savaliga ma logo ai loa le fesoasoani faavavave ile tea laititi o le afa o le ono I le taeao e pei ona faamaonia mai e se sooupu a leoleo.

Faailoa mai sa iai se tasi o lona aiga I le nofoaga lea ina ua taunuu atu leoleo ma ua faasa ai le vaega lea ao faia suesuega. O loo faaaoga foi e leoleo se drone e fesoasoani ai I suesuega.

O le taimi nei fai mai leoleo pau ia o faamatalaga o loo mafai ona faamatuu mai ao faia le suesuega. Fautuaina pea e leoleo le atunuu ina ia mataala ma faafesootai atu le ofisa pe afai e silafia ni faamatalaga I le faalavaelave lea poo nisi foi mataupu e aafia ai soifua o tagata