Maua se tasi I le keli o le taavale ma manuaga tuga I lona ao

O loo suesue nei le tama lea na maua I tua o le keli o le taavale I Aukilani I Saute

Tala a le TV 1 o loo taua ai e maua lea tama ua le iloa se isi faatasi ma manuaga tuga I lona ao

Ua molia mai ai e leoleo se alii 27 tausaga I moliaga o le faaoomanua ma taumafai e aveesea faanana mai se tasi

O le aoauli o le Aso Toonai lea na oo atu ai leoleo I se tasi o fale o aiga I Manurewa ma aveesea mai le ua molia faapea le o loo faataotolia tigaina nei

I se tala lata mai leoleo ananafi o loo faataotolia tigaina pea le ua aafia I le maota gasegase I Aukilani, ma e silafia lelei e le ua faamanualia le na faaoolima ia te ia

Ona o lea e le o sailia ai e leoleo se isi ese faatatau I lenei mataupu, ma o le aso e tulai ai le ua molia I luma o le faamasinoga faaitumalo I Manukau

O lea ua toso ese mai I faatonuga a leoleo le taavale na maua ai le o loo tigaina I le keli, ma o loo faaauau pea suesuega

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required