O loo faamauina e lē o mafai ona faamalamalama i le taimi nei e leoleo le faalavelave na maua ai se tagata ua maliu i luga o Obrien Rd e lata i Albany i le vaveao analeila.
O le lipoti a leoleo ua ta’ua ai na logoina i latou e faatatau i se tagata o loo i luga o le auala lea poo le ‘afa o le 12 i le vaveao ma agai atu loa iai le taavale a le falemai peitai e taunuu atu ua maliu.
Sa iai leoleo i le nofoaga lea mo le faataunuuina o a latou suesuega ma o loo faatalia ai se isi lipoti ae o le Aso Tofi foi o le vaiaso na tea nei na maua ai foi se tino maliu i le pito foi o le alatele i Beach Haven i le North Shore lava.
