Ua maua le avetaavale o le taavale lea na ia soaina le tama na maua o taatia lona tino i luga o le auala i Lucas Heights i Aukilani i le aoauli o le Aso Faraile.
O le ‘afa o le 12 i le aoauli o le Aso Faraile na maua ai e se tasi o tagata lē ua maliu i O’Brien Road i North Shore, ma e faapea e maua ua lē iloa se isi.
O lea na suesue mai ai loa o se tasi na so’a e le taavale, hit and run, ma o ananafi lea na faatoa faamautinoa mai ai e leoleo ua maua le avetaavale o le taavale na sue.
E oo mai i le taeao nei o loo faatalosagaina pea e leoleo le fesoasoani a tagata lautele poo i latou nei na uia Ridge Road ma O’Brien Road i le po o le Aso Tofi faatoa uma atu seia malama le Aso Faraile, ma o loo mafai ona faafesootai leoleo i le telefoni poo le agai online.
