Matai’tu pea le Qantas i le faagasologa o le faia o tui puipui

Ua faamanino mai e le kamupani vaalele a le Qantas e leai ni suiga ua faia i le taimi nei i le faatulagana o ana faigamalaga ma le toe amataina o ana malaga faavaomalo ao iai pea le faatuai ile tulaga o le faia o tuipuipui i totonu o le atunuu.

Sa iai le fuafuaga a le kamupani vaalele e faaauau malaga faavaomalo ese mai ma le maliega ma niu sila ile masina o oketopa ole tausaga nei lea sa iai le fuafuaga a le faigamalo a le feterale e oo atu iai ua maea ona faia uma uluai tuipuipui o le faamai.

Peitai ole vaiaso nei ua agai ese ai le palemia Scott Morrison mai lea fuafuaga ile maea ai o le tuuina mai o le fautuaga faale soifua maloloina mo tagata ei lalo o le tai 50 tausaga le matutua ona o popolega i sootaga ole astrazeneca i blood clots i nisi o tagata 

Masina talu ai na saunoa ai le faauluuluga o le Qantas, Alan Joyce ole faamoemoe o le kamupani ina ia faaauau faigamalaga ia faavaomalo ia Oketopa e fua lava ile faagasologa o le faiga o tuipuipui, mo se ata faataitai e tatau ona oo atu ilea taimi ua oo atu i le 20 miliona tagata ua maea ona faia tui.

Ole aso 19 o le masina nei e amata ai faigamalaga saoloto ile va o Niusila ma Ausetalia lea ua nofo sauni foi iai le kamupani vaalele.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required