Ua faamauina i le talafaasolopito i le taaloga siisii uamea mamafa a Samoa le sola ai o le alii o Don Opeloge ma le pine siliva o le taamilosaga o le Ipu o le Lalolagi 2024 i le vaega o le 102kg le mamafa.
I faamatalaga i luga o upega tafailagi na ta’ua ai o se matati’a lelei lea ua ausia e Don aemaise ana tapenaga agai atu i le Olimipeka i Pale i Farani i le tausaga nei 2024.
Momoli foi le agaga faafetai a le Faalapotopotoga o le Siisii Uamea Mamafa a Samoa i le lagolago a le atunuu ma le tapuaiga ua manuia ai nisi o taumafaiga a tamafanau.
I lea lava taamilosaga sa molimauina ai le tata’e ai foi e le alii o Don Opeloge o le matati’a (record) o le Taupulega ma le Itulagi (Commonwealth & Oceania)
O loo faatautaia le taamilosaga o le IWF i Phuket i Thailand.
