Ua saunoa le Minisita o Taaloga a Niu Sila o Chris Bishop, o ia e manao e aumai nisi taaloga afeleti faavaomalo e faia i Niu Sila.
O loo iai nei le minisita i Paris i le Olimipeka ma sa ia faaalia o le a feiloa’i atu i le pelesetene o le asosi o taaloga afeleti, Sebastian Coe e faatalanoa ai lea mataupu.
O ia lea sa faaulu iai le tuufaatasiga o le Olimipeka i Lonetona 2012 ma ua loa se taimi i lea auaunaga.
Fai mai le minisita o le faamoemoe ina ia tele nisi taaloga aemaise lava afeleti e mafai ona faia mai i Niu Sila ma ua mae’a foi ona faia sa latou fonotaga ma sui o taaloga a Malo o le Taupulega lea o loo tau sailia pea se host poo se atunuu e talimalo i taaloga o le 2026.
Ta’ua e Bishop e faaosofia le agaga finau i le vaai atu i le toatele o le autaalo a Niu Sila ua faamanuiaina i taaloga i le Olimipeka ma e lagona ai le mitamita.
Puna o Faamatalaga: https://www.rnz.co.nz/news/political/524590/hopes-for-new-zealand-to-host-more-sport-events-chris-bishop
