Photo: Samoa Global News

Maliu se tinā i se faalavelave tautaavale i le faaiuga o le vaiaso

O se faalavelave tau taavale na tulai mai i Leusoalii i le afiafi o le Aso Toonai ao loma ai le Aso Sa o Tamā i Samoa lea na uma ai le ola o se tinā.
Taua e ripoti na uma le ola o lea tina ae le’i oo i le falemai i Motootua.

O lenei faalavelave matuia e lua taavale na aafia ai ma e faapea e saoasaoa tele le o a nei taavale ma i’u ai ina fetoai ma ni laau i le afioaga o Leusoalii.
Ripotia mai foi le aafia ai o se tupulaga talavou a le afioaga na savali i lea vaega o le auala ma na togafitia i le falemai mulimuli ane toe te’a i tua.

O isi vaega o le pasese o taavale na lavevea o loo tau togafitia i le falemai ona o manuaga tūgā. O se faalavelave na taua e molimau i lea taimi e mafua mai ona o le saoasaoa ma le ave taavale lē faautauta.

Faamaonia mai e le Komeisna o Leoleo Su’a Fuiavailiili Egon Keil lenei faalavelave ma na ia taua foi i suesuega muamua a leoleo o loo masalomia ai le ava malosi i lea faalavelave.

O loo iai foi moliaga e faia faasaga iai latou e ana taavale pe a maea suesuega a leoleo.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required