O loo faaauau pea ona feagai le auaunaga tau tulisi i le Atu Maikorenisia ma lu’itau a o taumafai ai e toe foi i se tulaga lelei talu mai le mae’a o le Koviti-19.
Na ta’ua i lipoti a le leitio faavaomalo a Niu Sila o le Northern Marianas, Guam ma Palau e i lalo teisi ifo o le ‘afa o tulisi na iai i le 2019 pe sili atu foi ona faaitiitia lea numera ma e foliga o le to’atele o tagata o loo ua aga’i sa’o i Amerika mo nisi faamoemoega aupito lelei.
Fai mai le lipoti o Las Vegas lea ua faasolo ina aupito to’atele tagata tulisi e aga’i iai.
Pe a fua i faamaumauga mai le Marianas Visitors Authority, e 209,365 tulisi na asiasi ane i le 2024 e lē aofia ai Tesema ma e sili laitiiti lea numera mai le numera o le 2023 e 195,476 ma e itiiti mamao fuainumera ia i le aofa’iga sa iai i le 2019 lea na oo atu i le 487 afe tulisi sa asiasi ane i le atunuu.
Fai mai sui o ia auaunaga o faamaumauga ia e iai aafiaga i le tulaga faaletonu o le tamaoaiga o le atunuu o loo iai.
Puna o Faamatalaga: https://www.rnz.co.nz/international/pacific-news/539718/tourism-in-parts-of-micronesia-continue-to-struggle-post-covid
