O osofa’iga faalaua’itele a Lusia i le po anapo i Ukraine ua taula’i ai i le osofa’ia o nofoaga mo malosi’aga energy infrastructure, ua o latou ta’ua o le latou tali ane lea i osofa’iga sa faia ane e Ukraine i ona teritori e faaaogā ai missiles alualumamao mai Amerika.

Na ta’ua e le ta’ita’i o Lusia, Vladimir Putin e 17 taula’iga na mafai ona faataunuuina iai osofa’iga aemaise lava i nofoaga o le militeli.

E silia ma le miliona aiga i Ukraine ua motusia ai le eletise i le mae’a o osofa’iga a Lusia.

O le faamatalaga a Zelensky le ta’ita’i o Ukraine ua ia ta’ua ai ua faaaogā ane e Lusia a’upega e ta’ua o cluster munitions ma ua atili faigata ai ona tali atu lana vaega’au ona ua lē na o le tasi se vaega ua aga’i iai osofa’iga, a itiiti mai pe to’alima o loo manunu’a ai.

O se isi faamatalaga a Putin ua lipotia ua ta’ua ai o loo iloilo foi e lona atunuu pe agavaa foi lo latou faaaogā o a’upega faasaga i militeli a atunuu na o latou faataga le faaaogā o a latou a’upega e faasagatau atu ai ia Lusia.

Puna o Faamatalaga: https://edition.cnn.com/2024/11/28/europe/ukraine-russia-war-power-cut-intl-hnk/index.html