Ua amata nei le su’esu’ega a le Maritime Authorities i le mafuaaga na faaletonu ai se tasi o vaa i le Cook Strait i le po anapo ae to’atele tagata na iai i luga ma lipotia le lusi o le malosi o le vaa.
O le Newstalk o loo faamatala ai na logoina le Maritime NZ i le mataupu lea ae lei ‘afa le 10 i le po anapo, o le vaa a le Strait NZ Bluebridge, le MV Connemara ua lusi lona malosi a o iai pe tusa ma le 3.7km mai le Sinclair Head.
O i na amata tafea ai aga’i i Saute ae o loo feololo tulaga o le tau ma le sami.
E 88 tagata na iai i luga.
Faailoa e le pepa o faamatalaga mai le Maritime NZ, e lei iai se lamatiaga i le vaa, poo tagata na malaga ane ai poo le siosiomaga foi.
E ta ane le 6 i le taeao analeila ua toso a’e lea vaa i le Pipitea Wharf ae taofia uma pea le pasese i luga o le vaa a o faatino su’esu’ega i le mafuaaga o le faaletonu.
Puna o Faamatalaga: https://www.newstalkzb.co.nz/news/national/maritime-investigation-under-way-after-bluebridge-ferry-connemara-loses-power-in-the-cook-strait-overnight/
