Fai mai na iai se fale na tafana ane i le po anapo i le faaitu o Onehunga ae o loo lipotia foi se faalavelave e aofia ai se fana mai le pitonuu o Magele i Sasae.

Fai mai le RNZ na valaau ane leoleo i se faalavelave na faalogoina ai le pāpā ane o fana i Haddon St i Magele poo le lata i le 11 ae o le taeao analeila na maitauina le tumutumu ai o leoleo.

Faamatala i le Leitio faasalalau e se molimau e aumau lata ane o se tulaga faapopoleina ai ona o le tulai mai o nei faalavelave e faaaogā ai fana ae o loo iai foi ma tamaiti i le siomaga lea.

Fai mai leoleo e leai se tasi ua lipoti atu o faamanu’alia ae o loo fia maua nisi e silafia lenei mataupu.

O le isi faalavelave anapo lava na agai atu foi iai leoleo i le te’a o le 10 ua lipotia ai foi le faalogoina o le pāpā o fana, ae e faafetaia e leoleo o le leai o se soifua o aafia ma e foliga e taunuu atu i le nofoaga na tupu ai le faalavelave ua sosola ese i latou na faatupuina.

O loo faaauau suesuega i le asō i faalavelave uma ia e lua.

Puna o Faamatalaga: https://www.1news.co.nz/2024/06/06/two-auckland-homes-shot-at-overnight