O loo iai se lipoti mai le 7News i le asō ua ta’ua ai se tamaitai ua feta’ua’ina sa ave faamalosia e se tagata i Sini a o faasiilima.

Fai mai le lipoti o le tamaitai talavou na maua atu ai se valaau i leoleo i se mataupu e aofia ai se fana i le afiafi ananafi poo le ta o le 5.

Faamatalaga a leoleo o se alii e 26 tausaga ua feta’ua’ina sa ia umia se fana ma faasiilima ai le tamaitai e 29 tausaga le matua lea ma ave faamalosia, fai mai e masani i laua ia.

Sa feoa’i solo i se taavale i le taimi lea ma faato’ā maua e leoleo i le toe kuata i le 9 i le po anapo i Claymore.

Na pu’e ai loa e leoleo le alii ma ave i le ofisa i Campbelltown.

Na molia i le faaoolima ma isi ma e lei tatalaina i tua ma tula’i ai i le faamasinoga i le asō.

E lei maua le fana na feta’ua’ina ae iai lipoti mai le faamasinoga ua feta’ua’ina ai lona faaoolima i le tamaitai na aofia i lea mataupu.

Puna o Faamatalaga: https://7news.com.au/news/emergency-response-after-young-woman-allegedly-kidnapped-at-gunpoint-in-southwest-sydney-c-15788200