O lea ua faamatuu mai e leoleo se lipoti lata mai oi latou e toafitu sa faamanualia ile faalavelave na tulai mai I West Auckland I le vaiaso talu ai ma ua faailoa ua le o toe iai seisi o le toafitu lea na aafia I le vaega tigaina poo le ICU I le maota gasegase I Aukilani.
O se faamatalaga mai le sui komesina o Suesuega Lauano Sue Schwalger ua faailoa ai e toatolu I latou mai lea faalavelave o loo I le falemai I Aukilani ma o loo ise tulaga manuia talu mai le faalavelave ma leisi toafa o loo faasolo manuia foi I o latou aiga. Faamaonia I faamatalaga mai leoleo o I latou ia e toafa tamaitai ma alii e toatolu.
O tamaitai e 29 tausaga o leisi, 43 leisi, 60 male 66 tausaga le matutua ma le toatolu o alii e 53 tausaga, 57 male 77 tausaga le matua ole soifua.
