Search
Photo by Newcastle Herald

Lima aoga fou ua folafola e le Malo, ma isi aoga o le a toe faafou

E lima isi aoga fou ua folafola i le itu i Sisifo o Sini, o se vaega lea o le fuafuaga e faaalu ai le 3.5 piliona ua faaagaga mo le matagaluega o aoga i lalo o le uluai tala faatatau o le tupe a le faigamalo a le Premier o iai nei, Chris Minns.

O le vaiaso nei ua faamatuu mai ai e le Premier le lisi o aoga ia o le a faatuina i le faaitu lea i totonu o le fā tausaga o lumanai.

Saunoa Minns e matuai manaomia lava le ogatasi o tulaga o aoga ma le faatupulaia o le faitau aofai o tagata o loo iai ma ua molimau foi le minisita o aoga o iai nei o Prue Car ua mae’a le taimi faatalitali mo nai komiuniti sa leai ni aoga ae sa folafola iai e le faigamalo talu ai.

Fai mai le minisita o le faamatalaga ua faia i aoga fou nei e oo atu i le 2027 ua tatalaina uma.

O le a iai foi galuega toe faaleleia e faia i isi aoga ua aofia i le lisi a le matagaluega ma o le a fesootai pea ma pulega a aoga ia i le faamautuina o nofoaga o le a fausia ai aoga fou e pei ona faalauiloa.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required