E telē se galuega o loo fia faia mo le faaleleia atoa o le maota faamasino i Mulinuu na fausia i se fesoasoani a le malo o Saina, ma ua 16 ai nei tausaga talu ona tatala ma amata faaaogā.
Ua faaalia e le Ofisa Sili o le pulega o le Matāgaluega o Faamasinoga ma le Faafoeina o Mataupu Tau Faamasinoga, o luga o le fola simā o loo ato ai le maota atoa, ua pala le pa’u ma ua sao ai le vai ma mafua ai ona faaletonu le fā’alo i totonu.
O nisi o potu faamasino i le Faamasinoga Maualuga ua to’ulu i lalo le fā’alo.
O le tino o le fale ua molimauina ua aafia i ni faaletonu ma ua fesiligia le saogalemu.
O se talanoaga ma le Ofisa Sili o le pulega o le Matāgaluega o Faamasinoga ma le Faafoeina o Mataupu Tau Faamasinoga le susuga Papalii John Taimalelagi Afele.
