Search
Search
Photo Credit: Newshub

Lē toe mamao tatala le fale $300 miliona a le malae vaalele faavaomalo i Aukilani

E uma le Eseta ae tatala le nofoaga fou ua faia ma le faamoemoega ia foia ai le poloka o le malae vaalele i Aukilani.

O le Aso Lulu o le vaiaso fou lea ua tautau e tatala ai le nofoaga fou lenei e mafai ona tuu ma piki ai pasese, ma o se fale tele 320 mita toe malu.

Mai le Pule Sili o tupe a le malae vaalele i Aukilani Mark Thomson, o le fale tele lenei e lē gata mo pasi, taavale laiti la’upasese ae faapea taavale a tagata taitoatasi o loo oatu ai ma toe piki mai ai i le malae vaalele.

O lea ua amata faamasani avepasi o loo tautuaina le agai atu i le malae vaalele faavaomalo i Aukilani i le sone ua faapitoa mo pasese.

E tolu fogafale mo pakaga o taavale ma le ofisa o loo iai i le pito i luga, ma o loo iai foi ma nofoaga ua faia faapitoa i le pito i luga e fafaga ai maa o taavale e alu i le eletise.

O se galuega tele e $300 miliona lona tau atoa, peitai ua na o le vaega muamua a o mulimuli mai ai i tua le vaega lua o le taumafai e sosoo le malae vaalele faavaomalo ma le malae vaalele o loo faaee ma taunuu ai faigamalaga a vaa na o totonu o Niu Sila.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required