Le toe iai ni DHBs I le faatulagana fou ua faailoa mai

E lototele le malo ma lana faaiuga ua faailoa lea o le a le toe iai ni district health boards ae omai tasi uma I lalo o le pulega e tasi

O lea na talia le faaiuga a le malo e tusa ma ana fuafuaga e toe faatulaga ai pulega a le soifua maloloina, peitai e le I iai se manatu o le a faamuta ai auaunaga a district health boards e 20 o loo iai I le taimi nei

Ese mai le le toe iai o ni DHBs o lea foi o le a fausia le pulega fou ua taua o le Maori Health Authority faapea se tasi o vaega fou ua taua o le public health agency

Ae mai le taitaifono o le DHBs aupito I tele I le atunuu o le faaulu foi o le fono tuufaatasi a le au suesue tau I le soifua maloloina, Dr Lester Levy, e lototele le suiga a le malo ae tatau ona sao ona faatino

O le 18 masina o muamua o le a taulai lea I fuafuaga ma tapenaga ma o loo iai fuafuaga a le malo e oo atu I le ogatotonu o le tausaga fou ua maea faatulafonoina

O se tasi o fesili ua tulai mai nei, pe a faafefea ona toe fetuunai e le malo tupe ua maea faasafua mai I DHBs, aemaise o le fetuunai pe fia o le a alu I le pulega e tasi lea o le a malu uma ai I lalo le 20 o DHBs I le taimi nei ae pe fia e alu agai I le pulega o le soifua maloloina a Maori

LAUILOA

Keep uptodate with Radio Samoa activity & promotion

* indicates required