O le a misia lava e Nelson Asofa Solomona le taaloga o le Final a lana ‘au ma le Panthers i le po o le Aso Sa nei ina ua tuuina mai le faai’uga a le NRL Judiciary ua faamālōlō ai mo le 5 o taaloga ona o lana pu’e maualuga i se tasi o tama taalo i le taaloga ma le Roosters i le vaiaso talu ai.
O loo ta’ua i le lipoti e ono misi foi e Solomona taaloga o le Pacific Championships pe a amata i le tausaga fou.
O le po anapo na finauina ai le mataupu lea e lana kalapu le Melbourne Storm ma le Judiciary peitai ua lē manuia le latou finau ma ua tuuina ane ai le faasalaga lea i le alii taalo.
Na ta’ua e Solomona i le aufaasalalau e faanoanoa i le faai’uga ae sa talafeagai lava le fesaga’iga sa faia ma o le a tuu atoa lona malosi e lagolago ai i lana ‘au mo le taaloga i le Aso Sa.
Puna o Faamatalaga: https://www.1news.co.nz/2024/10/01/nz-star-asofa-solomona-to-miss-nrl-grand-final/
