Ua tuuina atu le faaiuga I nisi o tagata matutua tala penisiona ae o loo poloka I Ausetalia e ono taofia le maua pea o a latou super poo le faamalosia ona toe totogi

Molimau I luga o tala a le leitio faavaomalo a Niu Sila o lea ua maea logoina e le matagaluega a le Social Development lea o loo totogia super I se tasi o tina o loo poloka I Sini, a oo atu I le aso 20 o Setema e le I fo’I mai, o le a taofia loa le maua o lana super

O Mati lea na faimalaga ai lea tina I Sini faamoemoe e toe foi mai I le aso 31 o Iulai, peitai  e le I taunuu lea faigamalaga ma seia oo ai ina tapunia le feoai saoloto ua iai nei

I le fesootai mai ai I le Socia Development, afai ae oo atu ia Oketopa e le I toe foi mai o le a ia toe totogia lana super na maua ao iai I Ausetalia

E mau tutusa molimau a tagata penisiona na ripotia mai e le leitio a Niu Sila

Ua fesiligia ai nei pe aisea ua le faaaogaina ai tulafono faapitoa na faaaoga I taimi ao tapunia tuaoi o Niu Sila I le tausaga talu ai, peitai ua tali le minisita o le matagaluega a le Social Development, Carmel Sepuloni, e le o tutusa le tausaga ua alu ma le taimi nei ma e le o faaaogaina ai tulafono faapitoa

E le o mafai ona faamautinoa mai e le matagaluega pe toafia tagata matutua tala penisiona o loo iai I Ausetalia ua taofia le maua o a latou super poo I latou foi o le a toe totogi mai super na maua ona ua umi tele ona I fafo ma Niu Sila