E le I fiafia Saina ma lana tali mai I saunoaga a taitai a Niu Sila ma Ausetalia lea na faia faatatau ia Saina
Ae e le I toe foi le palemia o Ausetalia, Scott Morrison I le Aso Gafua, o lea na tautino faatasi ma le tamaitai palemia, Jacinda Ardern I le popolega o loo iai Ie va o Saina ma Hong Kong aemaise mataupu o loo aliae mai I le South China Sea
O le lotea o Saina e nei taitai e lua na tali mai ai le sooupu o le va I fafo a Saina, Wang Wenbin ananafi, ua o laua soli le tulafono faavaomalo o loo limataitaiina ai le va nonofo I le va o atunuu
O loo teena foi ma le le fiafia e le sooupu tuuaiga faasaga ia Saina
O se le fiafia e le I amanaia e le minisita o le va I fafo a Niu Sila, Nanaia Mahuta ma lana tali, o mataupu nei na laga e taitai o Niu Sila ma Ausetalia ua leva na iloa e Saina tatou te le malilie iai ia Hong Kong ma XinJiang, ma o ni lafoga foi o loo o tutusa lava ma le itu o loo iai Niu Sila ma ua uma ona faailoa iai
E le o le uluai taimi lea ua tali ita mai ai Saina ia Niu Sila, ma o se tali ua saunoa ai Jacinda Ardern, e le o faateia ma o lea lava na faatalitali iai.
