COP26

Lē fiafia nisi e finau mo le saogalemu ole siosiomaga, ile maliega ua faia mai ile COP26

Ua faailoa le le fiafia o nisi o i latou e finauina le saogalemu ole siosiomaga ise maliega ua aliae mai ile fonotaga ale COP26 e ui o loo faailoa finagalo o isi sui auai ole fonotaga e sili atu le iai o se maliega nai lo o le leai. Ua faamaea nei le lua vaiaso o feutanaiga a taitai o atunuu ole lalolagi.

Fai mai se tasi o tagata e finau mo le saogalemu o le siosiomaga, Adam Currie ile lipoti mai le RNZPacific, ua le fiafia tele ile leai o se gaioiga o faia faatatau i fossil fuels poo malosiaga e maua mai otaota o manu ma laau ma e aofia ai suauu e pei ole petroleum, natural gas ma le coal.

O se tasi o vaega taua o le fonotaga o le taumafai lea ini auala e faaitiitia ai aafiaga o le tau i atunuu aemaise le siosiomaga. O le maliega la ua taunuu iai le fonotaga, o lona uiga mo Niu Sila e tatau ona ia faalauiloa se faiga fou ma se taulaiga o le faaitiitia o kasa oona ile siosiomaga ie tausaga fou, Fai mai le finau a i latou ia ua tatau ile palemia ona tulai mai .

O le masina o Me o le tausaga fou ua fuafua e faalauiloa ai le uluai fuafuaga a le malo faatatau i le tau, poo le climate action plan i le tausaga fou.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required