Search
Search
Photo Credit: NZ Herald

Lē fiafia le Warehouse i le lē iloiloina o lana faaseā

Ua fai mai le Komisi o pisinisi, e na te lē suesueina le faaseā a le The Warehouse faasaga i le Sanitarium ma le lē toe aumaia o ni Weet-Bix e faatau i le Warehouse.

O le Warehouse o ia lea e taugofie ai lava lana tau o loo ia faatauina ai le Weet Bix pe a faatusa i supamaketi, peitai o lea na alualu fai mai le Sanitarium e latou te lē toe sapalaiina mai le Warehouse.

O se faaiuga na mulimuli toe solomuli ai le Sanitarium, ma toe fai mai o le a toe fetuutuunai le sapalaiina o le maketi i Niu Sila faapea oloa e faatau atu i fafo ina ia mafai ai pea ona sapalai le Warehouse.

O lea na sulu ai le Warehouse i le Komisi mo fesoasoani, peitai i se tasi mai le komisi e tusa ma lipoti a le 1News ananafi o loo ta’ua ai e lē o iai se itu e faamaonia ai ua solia e le Sanitarium le tulafono o fefaatauaiga, ma o le a lē faia iai ni suesuega.

Ua tali mai ai le Pule Sili o le Warehouse, Nick Grayston ma fai mai ua lagona lona faanoanoa tele i le leai o se fesoasoani a le Komisi.

Ua toe talosaga le Pule Sili i le Komisi e toe vaavaai i lana faaiuga, ma afai ae e lē suia lava, ia aumai sana faamalamalamaga faalauaitele.ao

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required