Ua le fiafia le auaveloli ma nisi o le aufaitaavale i Melepone ona o le faatuai i galuega ma nisi o fuafuaga e mafua mai i le ausolotetee ua polokaina auala i Melepone, i latou ia o loo finau mo se filemu o Palestina.
O loo iai nei leoleo i magaala ua lipotia ane ai nei gaioiga i Port Melbourne ma isi faaitu ua poloka uma e le au solotetee e faaaogā ai ma se taavale.
Fai mai ua faapaka lelei lea taavale i fafo ane o le Defense Science and Technology Group le pisinisi lea latou te gaosia auupega o loo aveina atu i atunuu i fafo atoa ai ma nofoaga o loo iai vesiga i Sasae Tutotonu.
O nisi o le autetee ua saisai o latou aao i vaega i le alatele ua atili ai ona poloka taavale.
O loo taumafai lava leoleo e aveesea saogalemu mai i latou ia ae ua lē lava foi le onosai a le aufaitaavale aemaise le auaveloli ua vaiaia le poloka uma ai o le auala.
