Search
Fepuleai Fasavalu Faimata Su'a

Lē fia talanoa le faipule i le lipotia o le faamuta o lona tofiga Minisita lagolago

Ua faatonuina e le taitai o le Malo le afioga i le tamaitai Palemia le sui faipule o Salega Numera Tasi e faamavae ma le tofi Minisita lagolago o loo ia umia, a o laumanuia ai i le lipoti a le nusipepa o le Sunday Samoa le suafa o le faipule le afioga Fepuleai Fasavalu Faimata Su’a, i lona malaga i Amerika Samoa e aunoa ma sona pemita, ma taumafai ai e faaaogā i se tulaga faasolitulafono le Tusifolau faalemalo o loo ia umia le Diplomatic passport.

Ua ta’ua e le nusipepa sa taofia le faipule i Tutuila ina ua taunuu e mafua i lea faaletonu i ona pepa malaga.

Sa maua se fesootaiga i le afioga i le sui faipule ma tapa sona finagalo e tusa o lea lipoti, ae sa ia faailoa e lē mafai ona talanoa mai se’i faatali mo se la feiloaiga ma le tamaitai Palemia, pe a toe taliu mai i fanua i se malaga faalemalo o loo tuua ai le atunuu i le taimi nei.

O le afioga Fepuleai Fasavalu Faimata Su’a o loo avea ma Minisita lagolago o le Matagaluega o leoleo, falepuipui ma le toe fuataina.

O le masina o Aokuso o le tausaga na tea nei na molia ai e leoleo le sui faipule ona o se solitulafono tau taavaleafi ma ia totogi ai se sala tupe e selau tala.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required