police chase
Photo: Getty

Lavea le taavale ma pue e leoleo I Aukilani

E lei maua se faamatalaga mai le vaega o le tineimu ma fesoasoani faavavave a niusila e tusa ai o le faalavelave na tulai mai I Aukilani I le po anapo.

Ua faamatala mai I lipoti ose alii e iloa e leoleo ma e faamauina o se tagata e tele sona lamatiaga I nisi mae faapea e Masani ona fealuai ma fana. Ae ole po anapo na poloka ai e leoleo le auala ina ua maitauina lona alu ane mai North Shore agai mai I le ogatotonu o Aukilani.

Fai mai le sooupu a leoleo sa faaaoga le taavale ale Tineimu e poloka ai le alatele ma pueina ai loa o ia.

Mautinoa lelei e leoleo le talaaga o le tagata lea ma na agai ane ai foi ma le vaega faaaupegaina a leoleo e faia le suesuega. Na lavea le taavale a le tagata lea ina ua fetoai ma seisi taavale.

Sa iai pea leoleo I le taeao analeila mo le faia o suesuega ae le o faalia maia se faamatalaga mai le tineimu masalo o loo faatali pea seia maea suesuega a leoleo I lea mataupu. E le o mailoa pe na maua ai ma ni auupega I lea faalavelave o loo talia sona lipoti lata mai ae o loo faailoa I le lipoti na sailia e leoleo lea alii ona o seisi mataupu e faatatau I lona aiga.

LAUILOA

Keep uptodate with Radio Samoa activity & promotion

* indicates required