Search
Photo by REUTERS/Nikki Short

Laumanu’ia le ono toe faia o siaki o le Koviti-19 i le malaevaalele faavaomalo

O loo mataitu pea e le auaunaga a le soifua maloloina i le taimi nei, le toe maua o tagata i lo tatou atunuu i āuga o le faamai Koviti-19, ma ua faailoa ai i lipoti e le Faatonu Sili aoao o le matagaluega o le soifua maloloina, le ono toe faaauau o le galuega sa faatino i o tatou tuaoi e pei o le ma le vaalele faavaomalo i Faleolo, o le faia lea o siaki mo tagata malaga e ulufale mai i Samoa.

O faamaumauga lata mai i le fitu aso ua tuanai e 25 gasegase o le Koviti-19 tusa lea o le 4 tesimale 69 pasene.

E pei ona silafia o lea ua taunuu mai i le vaitau o le tausaga e toatele ai tagata e malaga mai i le atunuu mo faigamalologa i aiga, ma o le isi lea o tulaga tāua o loo silasila iai le soifua maloloina i le toe alia’e mai o auga o le koviti ua aafia ai nisi tagata o le tatou atunuu.

Ua molimauina i le maota gasegase i Motootua le toe faia o le galuega masani a tausi soifua o le siaki o tagata uma e afea le maota gasegase, ma faamalosia foi le faaaogā o puni fofoga pe a ulufale i soo se vaega o le maota gasegase.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required